. សច្ចាប័ន (Ratification)= ការបញ្ជាក់យល់ព្រមជាផ្លូវការនូវអំពើរពីមុនណាមួយ

1.    សច្ចាប័ន (Ratification)= ការបញ្ជាក់យល់ព្រមជាផ្លូវការនូវអំពើរពីមុនណាមួយ ដែលធ្វើឡើងដោយមនុស្សណាម្នាក់។ ឧទាហរណ៍៖ប្រសិន​បើ​ក្មេង​ណា​ម្នាក់​ធ្វើ​កិច្ច​សន្យា​មួយកិច្ច​សន្យា​នោះ​ប្រហែល​ជា​មិន​មាន​​អានុភាព​អនុវត្តន៍​ទេប៉ុន្តែ​ពេល​ក្រោយ​មក​ប្រសិន​បើ​ក្មេង​នោះ​ឲ្យ​សច្ចាប័ន​​ទៅ​កិច្ច​សន្យា​​នោះ​​នៅ​ពេល​ដែល​ខ្លួន​ធំ​ពេញ​វ័យកិច្ច​សន្យា​នោះ​ក្លាយ​ទៅ​ជា​កិច្ច​សន្យា​ដែល​មាន​​លក្ខណៈ​​ពេញ​​លេញ​ដែល​នឹង​បង្គាប់​ឲ្យ​អនុវត្តន៍​បាន។

2.    សច្ចាប្រណិធាន (Oath of allegiance)= ការសច្ចាដែលបុគ្គលម្នាក់សន្យានិងប្ដេជ្ញាចិត្តស្មោះស្ម័គ្រចំពោះព្រះមហាក្សត្រឬរដ្ឋាភិបាលនិងដើម្បីគាំទ្ររដ្ឋធម្មនុញ្ញដែលតម្រូវឲ្យមន្រ្ដីសាធារណៈសមាជិកសភាសមាជិករដ្ឋាភិបាលធ្វើនៅពេលចូលកាន់តំណែងនិងមេធាវីនៅពេលដែលចូលជាសមាជិកគណៈមេធាវី​ និងក្នុងស្ថានការណ៍ដទៃទៀត។

3.    ក្រឡាបញ្ជី (Clerk)=ជាមន្រ្តីតុលាការដែលទុកដាក់កំណត់ត្រារបស់តុលាការ ឯកសារផ្លូវការ​ ។ល។

4.    ចៅក្រម(Judge)=ជនដែលចាត់ចែងសាលតុលាការ សម្រចបញ្ហាផ្លូវច្បាប់ទាំងអស់ ហើយជួនកាលសម្រេចលើបណ្តឹងទាំងមូល។

5.    ព្រះរាជាអាជ្ញា (Prosecutor)= មន្រ្តីផ្លូវការសាធារណៈមួយ ដែលតំណាងឲ្យបណ្តឹងរបស់រាជរដ្ឋាភិបាល ទល់នឹងជនណាម្នាក់ដែលជាប់ចោទ ពីបទល្មើសអាជ្ញា និងជាអ្នកដែលសុំឲ្យតុលាការដាក់ទោសជន ដែលជាប់ចោទនោះ។

6.    ប្តឹងឧទ្ធរណ៍, ​ប្តឹង​សាទុក្ខ (Appeal)= សុំអោយ​តុលាការ​ថ្នាក់​លើ​ពិនិត្យ​ឡើង​វិញ​នូវ​ចំណាត់ការ​របស់តុលាការ​ថ្នាក់ក្រោម​ដើម្បី​កែកំហុសឬភាព​អយុត្តិធម៌។

7.    បទមជ្ឈឹម (Misdemeanor)
បទល្មើស​អាជ្ញា​ដែលមានកំរិត​ទាបជាងបទឧក្រិដ្ឋហើយ​​ដែលជា​ទូទៅតែងតែ​អាចដាក់​​ទណ្ឌកម្ម​​ដោយការពិន័យ​ឬ​ជាប់​គុកតិចជាង​​មួយឆ្នាំ។

8.    បទឧក្រិដ្ឋ (Felony)
បទល្មើសព្រហ្មទណ្ឌដែលមានលក្ខណៈធ្ងន់ធ្ងរជាងបទល្មើសម្យ៉ាងដែលគេហៅថាបទមជ្ឈឹម។

9.    បទល្មើសព្រហ្មទណ្ឌ (Crime)
កំហុសដែលរដ្ឋាភិបាលបានសំរេចថាជាការបណ្ដាលអោយខូចខាតឬរបួសសាធារណៈហើយដូច្នោះជាកំហុសដែលអាចនឹងយកទៅប្ដឹងបាននៅក្នុងដំណើរការជំរះក្ដីព្រហ្មទណ្ឌ។

10.  បត្យាប័ន (Extradition)
ការប្រគល់ជនជាប់ចោទឬជនជាប់ទោសពីប្រទេសមួយទៅកាន់ប្រទេសមួយទៀត។បត្យាប័ននារាំងនូវការរត់គេចពីការដាក់ទោសដើម្បីស្វែររកជំរកក្នុងប្រទេសទៀត។

11.  បណ្ដឹងរដ្ឋប្បវេណី (Civil action)
បណ្ដឹងដើម្បីរក្សាការពារសិទ្ធិឯកជនឬបង្ខំឲ្យមានឧបាស្រ័យ​​រដ្ឋប្បវេ​ណី​(ការ​ដោះ​ស្រាយ​រដ្ឋ​ប្បវេណី​) នៅក្នុងជម្លោះរវាងភាគីឯកជន​​ផ្សេងៗ​គឺវាខុស ​គ្នាពី​បណ្ដឹងព្រហ្ម​ទណ្ឌ។

12.  សវនាការ (Hearing)
ដំនាក់ការនៃការជម្រះក្ដីមួយដែលគេយកភស្ដុតាងមកដើម្បីសម្រេចពីបញ្ហាអង្គហេតុនិងដើម្បីឈានដល់សេចក្ដីសម្រេចមួយដោយឈរលើមូលដ្ឋាននៃភស្ដុតាងនោះ​។

13.  ចុងចោទ (Defendant)
ជនដែលគេប្ដឹងតាមផ្លូវច្បាប់ប្រឆាំងនឹងខ្លួន។បណ្ដឹងផ្លូវច្បាប់នេះអាចជាបណ្ដឹងរដ្ឋប្បវេណីឬព្រហ្មទណ្ឌ។

14.  ដើមចោទ, ដើមបណ្ដឹង (Plaintiff)
មនុស្សដែល(ផ្ដើម) នាំរឿងក្ដីប្រឆាំងនឹងមនុស្សផ្សេងទៀត។